"Strofette" di Prospera Paturnia

'a tavula mia già stamm' astritte e tengo 'a ggente all'erta

'A tavula 'e Rusina

Vuie me guardate cu nu pizzo a rriso
comme si  me vulisseve cuffià,
redenno m’ ’ite ditto ca so’ brutta
cu a’ capa fresca 'e chi me vo’ ncuità.

Ve dongo nu cunziglio, mio signò,
si vuie sapite addò 'a bbellezza è certa
jatece pure ch' 'a tavula mia
già stammo astritte e tengo 'a ggente all'erta...

- Prospera Paturnia (Rosanna Bazzano)


                                *****

'O nomme tuoio

M’ ’ha fatto arricurdà d’ ’o nomme tuoio
'na streppa 'e pianta ca nun tene nomme,
scurdato ammore ca t’aggio perduto
nu juorno ca nun saccio quanno e comme.

Ma forze no, nun t’aggio maie perduto
ca nun se perde chello ca n’ se tene,
tu m’ hê perduto, pecchè tu ll’hê avuto
sta’ vocca doce e nu zeffunno 'e bbene.

- Prospera Paturnia (Rosanna Bazzano)