 |
| Nun canto comm' auciello 'int' 'a caiola Tito Pellicciotti, Uccellini in gabbia |
Canto pecché cantà me piace
Nun canto comm’ auciello int’ ’a caiola
ca pe ll’ammore ’o core se cunzola,
ma canto pe sta bella faccia vosta
faccella ’e neva cu nu core ’e ggnosta.
Canto, canto pecché cantà me piace
e pure amara ve faccio felice,
cu ‘o ddoce ‘e sotto ‘a tazza ve pigliate
l’amaro d’’o ccaffè ca ve ggirate.
E nun so’ pazza quanno stò ’nzeriosa
e faccio spisso ’a zita cuntignosa,
ca certamente doce vuie nun site
e amare songo ’e vase ca mme date.
N’ora ’e felicità, n’ora sultanto…
fore ’o balcone arracquo ’a testa e canto
ma vuie, fureste, manco v’accustate
tenite ‘o core nire, core ‘ngrato!
- Prospera Paturnia
ma prospera paturnia è un soprannome? (quasi oximoro)....
RispondiEliminastupendo l'accostamento tra l'immagine pittorica di uno scorcio di genere tradizionale, e queste 4 quartine, che contengono un buona parte di pout pourri d'altri versi e canti napoletani... leggendo le prime quartine m'aspettavo un sonetto: brioso schizzo di una serenata al contrario... parendo a me di veder chi la fa dal balcone aaddò tu arracque 'a testa e cante.
Pur'ì aggia cantà... ca si nu canto i' moro.
fiore leveque
Caro Fiore, si, Prospera è il mio alter ego. la popolana che parla in dialetto ma che è anche un'anima sensibile... Quando Prospera si diverte a parlare per sottintesi, diventa ridanciana al limite del motto popolaresco, si da un tono aggiungendo al suo nome l'appellativo " signora di Scasazze"
RispondiElimina