"Na bbruna" di Prospera Paturnia

na bbella bbruna cu 'o sguardo affatato

Se so’ assettate proprio cca ’e rimpetto
na bbella bbruna  cu  ’o sguardo affatato,
nu poco trascurata e cu ll’apprietto,
nu russo brutto ca fa  ’o  ’mmartenato.

E io sto  penzanno:   - ’A vita quant’ è  ’ngrata! -
vedennola   accuità  a isso ammurbato,
-  ’A femmena cchiù bbella e cchiù aggarbata
’ddevent’ ’a pezza e ll’omm’ ammartenato.

- Prospera Paturnia (Rosanna Bazzano)

apprietto: ansia, affanno.
ammartenato: borioso, presuntuoso, sprezzante.