"Donna Lietta" di Prospera Paturnia (Rosanna Bazzano)

Donna Lietta e Donna Rosinella
Isola d'Elba, 29 giugno 2013 

Donna Lietta

'Onna Lietta se vo fa 'a staggione

e nzieme a Rusinella s'è mbarcata,

a mmiezo juorno ncopp'a nu vapore,

cu 'a vesta nova e tutta ’ncannaccata.



E nun ve dico po' che s'è purtata:

vinte cammise, diece custumette ,

trenta scarpune cu trenta vunnelle,

vinte mutande e vinte reggipette...



Ll' ha ditto Rosinella: - Pe ssapè,

ma 'a casa t’è rimasto quacche ccosa?,

Ma sì partuta pe te fa 'o weecchende

o, senza te spusà, faie 'o viaggio 'e sposa?



Ma Lia ha risposto cu resate amare

e n’ ombra scura dint’ all’uocchie chiare.

- Prospera Paturnia (Rosanna Bazzano)

A Lia, cara amica, al suo sorriso dolce, alle ferite del suo cuore e … a tutte le scarpe che si è portata per tre giorni insieme da sole!