"Niente…" di Prospera Paturnia

chill' è 'o viento chistu rummore 'mpietto ca se sente

Nisciuno sape ch’è succieso, niente,

nisciuno ’o liggiarrà ncopp’ ’o ggiurnale,

’o cielo è ancora chino chino ’e stelle

e aggira chesta rota semp' eguale.

’O viento sisca mpietto dint’ 'o scuro

ma m’hanno ditto ca so’ cose ’e niente,

ca stu dulore n’ adda fa paura,

ca ’o core si è malato nun se sente.

E infatti luce ’a luna, comme niente

fosse succieso a chistu munno tristo,

e comme tutt’ ’e ssere sta allummata

e nun ’o ssape ca nun t’aggio visto…

- Prospera Paturnia

Prospera Paturnia è lo pseudonimo con cui Rosanna Bazzano firma le sue poesie in napoletano.