"FEMMENE E ROSE" di Pasquale Ruocco

Erano 'e rrose 'e nu ciardino allero 'sti nnammurate 'e tantu tiempo fa

Kroyer, Les roses,1902

FEMMENE  E  ROSE

Femmene belle d”e canzone antiche,
ve sento n’ata vota suspirà
mentre spontano ‘e stelle e dint”e viche
‘e cuncertine tornano a cantà.

So’ fatte ‘e sciure, lacreme e suspire
chesti canzone ‘e n’ata gioventù:
Carulina, cu ll’uocchie nire nire,
fra cielo e mare nun s’affaccia cchiù.

Erano ‘e rrose ‘e ‘nu ciardino allero
‘sti ‘nnammurate ‘e tantu tiempo fa:
e mo pecché Carmela ‘e San Sivero
nun passa cchiù p”e vvie d”a Sanità?

‘E manduline tremmano scuntente,
‘a luna saglie lenta: e i’ penzo a te,
palomma malinconica e lucente,
Maria, ca t’addurmive ‘mbraccia a me.

Tutto chello ca ride ncopp”o munno
scenne ‘int’a ll’ombra e nun po’ cchiù turnà…
Dimme, addò vanno ‘e ffronne ‘int’a ll’autunno,
dimme, addò vanno ‘e nuvole d’està!

- Pasquale Ruocco


Pasquale Ruocco (Napoli  1895-1976)  poeta e scrittore napoletano, che è stato definito da Giuseppe Marotta "oro della poesia di Napoli" e che Pitigrilli ha proclamato "il più musicale dei poeti" ha recato un soffio di vita nuova nel nostro dialetto, liberandolo dalle residue incrostazioni arcaiche, semplificandone la grafia, e rendendolo più agile, duttile e nervoso. (dall'antologia  "Poeti Napoletani" di Ettore De Mura)


Dalla mia libreria: "Sole d'autunno" 1952 - Regalo del mio carissimo amico poeta  Raffale Pisani, con dedica autografa di Pasquale Ruocco. Raccolta che contiene la mia poesia napoletana preferita : "Nun è overo".