google-site-verification: googlee552bc4c0d65a0b4.html

domenica 4 maggio 2014

"Torna maggio" di Vincenzo Russo



'I' che curaggio!*

Video sopra: la superba interpretazione di 
Lina Sastri.



Rose! Che belli rrose!...Torna maggio!
Sentite 'addore 'e chisti sciure belle!
Sentite, comme cantano ll'aucielle...
e vuje durmite ancora!?...
'I' che curaggio!

Aprite sta fenesta, oje bella fata,
ché ll'aria mo s'è fatta 'mbarzamata:
Ma vuje durmite ancora, 'i' che curaggio!
Rose! Che belli rrose!...
Torna maggio!

Rose che belli rrose!... 'A n'anno sano,
stongo strujenno 'e pprete 'e chesta via!
Ma vuje nun v'affacciate...uh, mamma mia!
I' nun mme fido 'e sta’ da vuje luntano...

E si ve sto luntano quacche ghiuorno,
pare ca vuje mme state sempe attuorno...
ca mme parlate e mm'astrignite 'a mano...
Rose! Che belli rrose!
E' n'anno sano...

Rose! Che belli rrose! E vuje durmite!...
Ma nun ve sceta stu prufumo doce?
'E primmavera nun sentite 'e vvoce?
Ma vuje, core 'mpietto, ne tenite?!

Vocca addirosa comm'a na viola!
'A primmavera mia site vuje sola!
Ma chesta voce vuje nun 'a sentite?
Rose! Che belli rrose!
E vuje durmite!…


- Vincenzo  Russo, musiche di Eduardo di Capua



* 'i' che curaggio!: è un'espressione che indica stupore ( nientemeno!) ma può anche essere interpretata con valore esortativo. Naturalmente ha valenza sia in senso positivo e scherzoso che negativo e ostile.










Eduardo Di Capua (Napoli, 12 maggio 1865 – Napoli, 3 ottobre 1917) è stato un celebre compositore italiano di musica napoletana.












Lina Sastri
(Napoli) è un'attrice e cantante italiana. Donna di teatro ha recitato in importanti ruoli sul palcoscenico e nel cinema. Ha esordito con La bella Otero; il primo ruolo importante è nel film Il prefetto di ferro (1977) diPasquale Squitieri. Ha lavorato in vari film tra cui Ecce bombo di Nanni Moretti, Segreti segreti di Giuseppe Bertolucci, Mi manda Picone di Nanni Loy, L'inchiesta di Damiano Damiani e Vite strozzate di Ricky Tognazzi . Per una sua biografia completa e per i suoi eventi www.linasastri.it.



Nessun commento:

Posta un commento

Un tuo commento ci dà ragione di essere… se ci sei, batti un colpo!