E ancora mo, c’’o stesso sentimento..
ve voglio dì na cosa..e nun v’’a dico !!
Eugene de Blaas, Segreti
Ll’amico
Ve site fatta grossa…benedico!
Site schiuppata dint’a nu mumento..
e i’ so’ rimasto chillu stesso amico
cu una speranza e uno sentimento :
che d’’o vintuno Maggio noveciento,
ve voglio dì na cosa…e nun v’’a dico…
Mo, tutt’’e sere penzo a cchella sera!
Veco ‘a cammera ‘e pranzo tale e quale
cu ll’ombra vosta dint’’a cristalliera…
E veco a vvuje, sculara d’’e nnurmale,
che aizasteve nu pizzo d’’o mesale
sbattenno ‘ncopp’’a tavula ‘a cartiera…
“Che avita fa ?” “ Nu tema che me piace :
Parlate di un amico di famiglia…”
“ Giesù ! Stu tema nun me fa capace…
Anze..me fa na grossa meraviglia
comm’’a maestra, a na guagliona, piglia..”
“ Mo parlo ‘e vvuje, si nun ve dispiace..
Mo parle ‘e vvuje..” Facisteve na mossa,
ca i’ nun ve saccio dì che mossa fuje ;
Ve facisteve pàlleta..po rossa..
e nce guardajeme ‘nfaccia tutt’’e dduje..
Ma i’, che facette scrupolo pe vvuje,
dicette : Aspetto che se fa cchiù grossa.
E mo che site grossa, i’, che so’ amico,
mo mme faccio curaggio e mmo me pento.
So’ passate sett’anne…benedico !
Ma nun sulo pe vvuje !.. Pur’i’ mm’’e sento..
…………………………………………………..
E ancora mo, c’’o stesso sentimento..
ve voglio dì na cosa..e nun v’’a dico !!
- Rocco Galdieri
Non sempre può essere opportuno dichiarare i propri sentimenti, ce lo dice così graziosamente Rocco Galdieri.
Le motivazioni possono essere le più disparate, la paura di un rifiuto, ma anche il buon senso, che fa sì che non ci si dichiari ad una persona che sappiamo non ricambiarci.
In tutti gli altri casi... è un vero peccato!
Eugenio De Blaas, noto anche come Eugene von Blaas o Eugene de Blaas (Albano Laziale, 24 luglio 1843 – Venezia, 1931), è stato un pittore italiano naturalizzato austriaco.
