"Me sceto ‘a notte" di Raffaele Viviani

'a femmena senzibbele ce tene ca mentre dorme tu hê penzato a essa
Thomas Sully, La lettera d'amore

Me sceto ‘a notte, e scrivo nu sunetto.

‘A penna stilografica e Maria.

Lle dico ch’essa è tutta ‘a vita mia;

e po’ ce ‘o lasso a forma ‘e nu biglietto.

Dimane, quanno ‘o legge, sa ch’effetto?

«Chillu marito mio! che frenesia! »

— Rafiluccie’, m’hê fatta ‘a puisia?

Pìgliate ‘o zabbaglione dint’ ‘o lietto.

‘A femmena senzibbele ce tene

ca mentre dorme tu hê penzato a essa.

E chest' affezione è fatta a vita.

È sempe nu raggiunamento ‘o bbene.

E po’ ‘o ‘ntrasatto è meglio d’ ‘a prumessa;

ca te se dà, cianciosa e sapurita.

- Raffaele Viviani

Traduzione

Mi sveglio di notte e scrivo un sonetto.

La penna stilografica e Maria.

Le dico che è tutta la vita mia

e poi glielo lascio in forma di biglietto.

Domani quando lo leggerà sai che bell'effetto?!

<<Ah, mio marito! Che frenesia!>>

- Raffaeluccio, mi hai scritto una poesia?

Ti porto subito lo zabaione a letto.

La donna sensibile ci tiene

che mentre dorme tu hai pensato a lei.

Di queste affettuosità è fatta la vita.

È sempre un ragionamento il voler bene.

E poi la sorpresa è meglio di una promessa

che ti si dà, dolce e deliziosa.

- traduzione di Rosanna Bazzano

Raffaele Viviano, (mutò il cognome in Viviani per motivi artistici) (Castellammare di Stabia, 10 gennaio 1888 – Napoli, 22 marzo 1950), è stato un attore teatrale, commediografo, compositore, poeta e scrittore italiano.

Thomas Sully (Horncastle, 1783 – Philadelphia, 1872) è stato un pittore statunitense.

"Avvertimento" di Raffaele Viviani

cadette 'mmano a isso e mme perdette
Edward Hopper, Summer interior

Avvertimento
I' ero comm' a vvuie n'angelo 'e figlia
e stevo sott' 'o sciato 'e mamma mia:
p''Abberto me ne jette d''a famiglia
e so' fernuta 'mmiez' 'a Ferrovia.

I' ero comme a vvuie n'angelo 'e figlia:
mo scappo quanno veco 'a Pulezzìa.

P' 'o dispiacere mamma s'ammalette
e papà mio dicette: "Chella è morta!"
Mo chiagno tutt''o mmale ca facette;
mo ca nisciuna mano arape 'a porta.

Cadette 'mmano a isso e mme perdette;
ma vuie nun ve l'avit''a fa' sta sciorta!

Chiagnite ! ma scanzateve 'a ll'abbisso;
scappate si o vedite accumparé.
Lassatammillo a mme: so' degna d'isso
e ìsso e sulamente degno 'e me.

- Raffaele Viviani

Traduzione

Io ero come voi: un angelo di figlia

protetta con amore da mia madre

per Alberto lasciai la mia famiglia

e sono finita giù alla ferovia

Io ero come voi, un angelo di figlia:

ora scappo quando vedo la Polizia.

Per il dispiacere mia madre si ammalò

e mio padre disse "Quella è morta!"

Ora piango tutte le mie malefatte

ora che nessuno più mi apre la porta.

Caddi nelle sue mani e mi persi;

ma voi non dovete scegliere la stessa sorte!

Piangete! Ma scansatevi dall'abisso;

scappate se lo vedete da lontano,

lasciatelo a me, sono degna di lui

e  lui è solo degno di me.

Trad. Rosanna Bazzano

Raffaele Viviano, (mutò il cognome in Viviani per motivi artistici) (Castellammare di Stabia, 10 gennaio 1888 – Napoli, 22 marzo 1950), è stato un attore teatrale, commediografo, compositore, poeta e scrittore italiano.

Edward Hopper (Nyack, 22 luglio 1882 – New York, 15 maggio 1967) è stato un pittore statunitense famoso soprattutto per i suoi ritratti della solitudine nella vita americana contemporanea. Oggi è considerato uno dei grandi maestri americani, citato in qualche caso come precursore della Pop Art.

"Prezzetella 'a capera" di Raffaele Viviani

d''e ccapere d''o mercato songo 'a masta
Induno (forse Gerolamo Induino) Giovane popolana, acquerello

Prezzetella 'a capera 


Nun dicenno ammancamento songo aunesta:
nun ce stanno fose 'appennere a sta vesta.
Me mantengo 'ncopp' 'a mia:
nnammurate? arrassusia:
che bribbanta malatia.

Statte sodo! e pe' sape'?
Leva 'e mmane 'a cuollo a mme!

L’ommo vene, pogne e fuje;
quanno è doppo: male a nuje.
Vaie 'nzuttana e cammicetta,
pecché 'a vesta te va stretta;
cchiù cammine e cchiù te scasce
cu chell’anema 'e rancascia;
po',  fra tanta chiappe 'e 'mpise,
va truva' chi te l’ha... Guè!

Va'! Va' scola; e pe' sape'?
Leva 'e mmane 'a pietto a mme!

D' 'e ccapere d' 'o Mercato songo 'a masta:
e nisciuno dint' 'o stritto me 'ncatasta.
Va'! nun tiene cchiù salute:
tu hê 'ave' 'ncopp' 'e ssagliute
n'ato 'areto ca t'aiuta!

Vi' si cionca! e pe' sape'?
Leva 'e mmane 'a cuollo a mme!

Parla 'a mo fino a dimane:
ma nn'hê 'a maie pazzia' cu 'e mmane;
ca si no te faie cchiù sicco:
faie sta faccia comm' 'o micco;
po' addeviente pelle e ossa:
vaie cu 'o pede dint' 'a fossa;
quanno po' te si' distrutto,
te nne muore e nun me... Guè!

Jette 'acito! e pe' sape'?
Leva 'e mmane 'areto a mme!

Che vuo' fa’? me vuo' purta' 'ncopp' 'a 'Nfrascata?
Ma pecché ce 'a vuo' sciupa' sta scampagnata?
Tanto io vino nun ne vevo:
e, si pure ce venevo,
chello 'ncapa nun me jeva.

Oh, ma inzomma, e pe' sape'?
Leva 'a mano 'a sott' a me!

Nun me cuoglie sott' 'a scella:
songo sempe Prezzetella!
Si mme spuse, a nomme 'e Ddio,
st'uosso ccà t' 'o spuzzulìe:
anze è meglio ca tu 'a miette
na sepponta sott' 'o lietto;
ma, si cride 'e fa' pe' spasso,
bellu mio, tu nun m' 'a... Guè!

Ah? me spuse? 'Un parlo cchiù!
Miette 'e mmane addo' vuo' tu!

- Raffaele Viviani