"Na rosa" da Prospera Paturnia di Rosanna Bazzano

e tiene sempe nchiusa sta fenesta…

Na rosa

Na rosa t’aggio data int’ ’a na testa
piccerenella, tennera, nuvella,
te ll’aggio misa ncoppa ’a na fenesta
addò s' 'a vasa ’o sole e ’a fa cchiù bella.

Ma spisso tu t’ ’a scuorde e nun l’arracque
e tiene sempe nchiusa 'sta fenesta…
E s’è ammaluta, appecuntruta e stracqua…
Senza acqua e senza sole che lle resta?

- Prospera Paturnia

Prospera Paturnia è lo pseudonimo con cui Rosanna Bazzano firma i suoi versi in dialetto.